E lē o faigofie le tau o mea’ai ma fale i Niu Sila.
O tala nei o loo sau ma le lipoti a le State of Nation a le Salvation Army, ma o le taugatā lava o fale ma mea’ai lea o loo manino mai ai.
Na faamauina ai i le tausaga talu ai e iai lava foi taimi e leai ai se meaai mo le kuata o aiga na lipotia, ma o loo pau le mamafa i aiga Pasefika lea e tusa ma le ‘afa o aiga Pasefika ua masani lava i le leai o se mea’ai.
Ae o le faigofie ai i aiga, e faapea foi le Salvation Army lea ua molimau ua sili atu ona faigata lenei vaitau ona o lea foi ua faaitiitia fesoasoani mai le malo e fesoasoani ai i auaunaga faapea ai foi ma foa’i mai tagata.
I totonu lava ia o le masina o Tesema o le tausaga faato’ā uma atu, na faamauina le faaopoopo o tagata Kiwi ua tua i penefiti, e pei ona sau ai e silia ma le 400,000.
E ese mai i le taugatā o le soifuaga ma fale, ua maua mai ai foi i le lipoti o le 32% o tagata Niu Sila ua aafia i soligatulafono.
Ua fai mai ai ma le faatonu o aiaiga faavae a le Salvation Army e pei ona molimau i tala a le leitio faavaomalo a Niu Sila, e tāua tele le ave o le faamuamua a le malo o Niu Sila i mana’oga nei e matua’i moomia e tagata.
Puna o Faamatalaga: ‘Things have got tougher’ – Salvation Army releases latest State of the Nation report | RNZ News
