E toalua tagata ua pueina e leoleo e aofia ai ma le 14 tausaga, e mafua ona o le fasiotia o se tagata na maua ua maliu i Whakatane i le amataga o le masina nei.
O le aso 1 o Iuni na maua ai Claude Te Rangiatahua Takao, e 47 tausaga ua maliu ae i se lipoti lata mai a leoleo i le asō ua faamaonia ai e 31 tausaga o le isi ma le 14 tausaga o le isi ua pueina i le mataupu lea ma e tulai le 31 tausaga i le faamasinoga i le asō.
O le 14 tausaga ua molia i le gaoi ma le avefaamalosi.
E iai le isi toalua sa pueina muamua i le mataupu lava lea ma o le isi e 25 tausaga o loo molia i le fasioti tagata e tulai foi i le asō i le faamasinoga faaitumalo i Whakatane.
