O le fano o le soifua o se tagata faigaluega o le faalapotopotoga o le malosi tau eletise i le masina na te’a nei, ona e faapea na sipaka a o galue i le faaleleia o se laina eletise i Motootua, ua avea nei ma ogatotonu o se su’esu’ega ua faatonuina e le pule o maliu le coroner.
Ua faailoa i se lipoti a le nusipepa o le Samoa Observer lea su’esu’ega ua faavae i ni fesili a le pule o maliu, e pei o le mafuaaga o le lē logoina e le auaunaga a le soifua mālōlōina o le pule o maliu, i le ma le lē faatumuina o le pepa poo le form e tatau ona tuu iai faamatalaga uma e faatatau i aafiaga o lē ua maliu mai le faalavelave na tupu.
Sa lipotia le faia o se su’esu’ega faalotoifale a le malosiaga tau eletise i le faalavelave na tupu, peitai e lē o iloa po ua mae’a lea su’esu’ega.
O le faatonuga mai le pule o maliu ua faatonuina ai foi le matagaluega o leoleo e faatino le latou pitolaau masani o le sailia uma o mau e pei o ni faamaumauga tusitusia, ma ia saili poo ai na faia le faai’uga e ave lē ua maliu mo toe sauniga e aunoa ma le logoina o le pule o maliu le coroner.
