O le a lē oo ona talimalo Vitoria i Taaloga a Malo o le Taupulega poo Commonwealth Games o le 2026 ona o ni faaletonu tau le faatupeina o le faamoemoe ae o le a faaaogā le tupe sa faaagaga mo lea faamoemoe mo se isi faaputugatupe fou.
O le folasaga lea mai le Faigamalo a Vitoria i le asō, ua faamaonia e le Premier o Daniel Andrews.
O le faamatalaga e faapea ua lē gafatia le tau mo le talimalo ai i lea faamoemoe.
Fai mai Andrews o le mea moni o le tau mo le faatupeina o le taligamalo i taaloga ia e le o le 2.6 piliona sa fuafua agai iai le latou paketi ae a itiiti mai e 6 piliona ma e ono oo lava i le 7 piliona.
Fai mai le Premier o le a ia le aveesea mai ni tupe mai falemai ma aoga ina ia faatupe ai lea faamoemoe ma e ono sili atu lava lona tau.
Na ia faailoa foi o loo faaauau pea lava feutana’iga e lei mae’a.
O taaloga ia o le Commonwealth sa fuafua mo le aso 17 agai i le 29 o Mati 2026 ma sa fuafua e faataunuu taaloga i faaitu e pei o Geelong, Bendigom Ballarat, Gippsland ma Shepparton.
