E tasi le case faamaonia I le Koviti i totonu o New South Wales ua faailoa mai
O le ua maua o se tama e tusa ma le 50 tausaga le matua, ma i faamaumauga o lea tama e le i faia ona tui o le Koviti ma na amata maua i le siama talu mai le Aso Faraile o le vaiaso talu ai
E le o ia o se tagata faigaluega i tuaoi, pe na faimalaga foi i atunuu I fafo, ma ua suesue nei poo fea lea na ia maua mai ai le siama
Tuufaatasia tala fou o le taeao ua faailoa mai le 8 nofoaga na asia e le ua faamaonia lona siaki, ma e tusa ma tala mai le soifua maloloina a lea setete e ono faaopoopo pea lea lisi
Ae i le tuu mai ia Niu Sila ma le tulaga o taatia ai lana feoai saoloto ma Ausetalia, ua faailoa e le soifua maloloina e tusa ma ripoti ua oo mai, o loo maualalo le tulaga ono lamatia o Niu Sila I lea case fou
Ma ona o lea, o loo mafanafana le matagaluega e le o iai se mafuaaga i le taimi nei e ono suia ai fua le feoai saoloto i le va o Niu Sila ma Ausetalia
