Na saunoa le ta’ita’i o Korea i Matu, Kim Jong Un o le a faavavevave laasaga a lona atunuu ina ia avea ai ma se tasi o atunuu telē i lona malosiaga faamiliteli ma le faaaogāina o meatau Niukilia ma o le a lē faasāina lona faaaogāina o ia a’upega pe afai e osofa’ia i latou e se fili.
O lipoti mai le Reuters ua ta’ua ai ua faalua ona ta’uina e Kim le igoa o le peresetene o Korea i Saute i ana faamatalaga, le alii o Yoon Suk Yeo ona o le faifaimea faatasi ma Uosigitone i mataupu e patino i lea itulagi.
Fai mai Kim i lana lauga lea, o le mea moni e leai so latou naunauta’iga o iai e osofa’ia Korea i Saute ma o taimi uma na te faaaogā ai le faaaogāina o malosiaga faamiliteli o loo faaaogā ai foi ma le upu “afai”, lona uiga pe afai e taumafai le fili e faaaogā atu se malosiaga faasagatau atu i lona atunuu.
O le vaiaso na te’a nei na faamanatu ai e Korea i Saute le aso faapitoa mo vaega’au faaa’upegaina e ala i se solo tele na faailoa ai se a’upega o le missile ma faalele ane ai ma se vaalele taopomu a le fuāvaa a Amerika.
Puna o Faamatalaga: https://www.nbcnews.com/news/world/north-korea-kim-jong-un-nuclear-superpower-russia-ukraine-rcna174436
