Ua toe filifilia Donald Trump e avea ma peresetene o le malo tele o Amerika.
Na pasia le 270 palota faaitumalo e Trump ma mautinoa mai ai ananafi i le afiafi, taimi Niu Sila le filifilia o ia ma peresetene lona 47 a Amerika.
Ua faalua ai ia Trump peresetene sa iai muamua i le tofi ma toe foi mai, ma o lona toe manumalo ai ananafi o le faalua ai foi lea ona ia faato’ilaloina sui momo’e tamaitai a le Democrat.
Mai ia Trump anapo ua ia faafetaia tagata Amerika, ae mo Kamala Harris, ua fiu tagata e faatali e le’i toe foi ane e tali ia i latou na lagolagoina ia ma i lipoti o le taeao nei lea faato’ā maua ane ai lona avanoa.
I suiga o le maketi anapo i le faato’ā sau ai o lipoti o le i’uga o le palota, na faamauina le alu i luga o le tau o le Bitcoin faapea ai maketi o fefaataua’iga.
Ae mai Niu Sila nei faapea le tele o ta’ita’i o le lalolagi, ua pisi luga o le social media anapo i le tele o faamanuiaga molia mo Trump ma lona tula’i mai.
Puna o Faamatalaga: Trump wins White House in comeback rooted in appeals to frustrated voters
