E lē o lava fesoasoani o loo maua e tagata e iai mana’oga faapitoa i Niu Sila.

O faamaumauga mai le vaega o faamaumauga o loo iai, o le to’atasi mai le to’aono tagata Kiwi e lē atoatoa le malosi, ma o le lata i le 10% o tagata nei poo le tusa lea ma le 98,000 tamaiti ae silia ma le 750,000 tagata matutua.

Ua maua ai foi o le lata i le ‘afa miliona o tagata nei o loo moomia nisi fesoasoani faaopooopo e lē gata i fale, o le itu tau le soifua mālōlōina, o a’oga faapea avanoa tutusa.

O le pasene e aupito i maualuga ai lava mana’oga mai li’o o tagata e iai mana’oga faapitoa, o fanau a’oga ma o i latou nei e moomia teacher aide, fesoasoani tau tekonolosi mo meaa’oga faapea ai le vaaiga o foma’i.

E oo lava foi i tagata e iai mana’oga faapitoa ae o loo galulue, o le 34% o i latou e lē o mafai ona atoa le fesoasoani mo o latou mana’oga.

O le tausaga lenei o loo toe tusi ai le ta’iala o loo fua iai auaunaga a le matāgaluega o Disabled People ma fai mai le Pule Sili o le matāgaluega, o loo galulue pea iai e lē gata o totonu o le malo ae faapea faalapotopotoga tuma’oti.

Puna o Faamatalaga: Half a million disabled New Zealanders need more assistance