E lē o taliaina e tagata Orakei ma Eastern Bay le fuafuaga e fausia ai le isi McDonald’s fou i lea vaega o Aukilani.
O le masina o Setema na faaulu ai le talosaga auā se consent e fausia ai le fale’aiga 24/7 drive through ma le McCafe i Kepa Road.
Afai ae talia, o lona uiga o le nofoaga o loo iai le lotu a St James i Kepa, o i o le a tu ai, ma e lē o fiafia iai tagata.
O le finau a nisi e tusa ma tala a le Newshub, o lea e iai fale’aiga a le McDonald’s o loo latalata ane ma e lē toe moomia se isi.
E oo mai i le taimi o tala fou ua silia ma le 1,700 saini o le petition ua tuufaatasia e tagata Orakei ma Eastern Bay, poo i latou nei e lē o mananao e toe faia se isi fale’aiga a le McDonald’s i le latou pitonuu.
Ae mo le talosaga na faaulu, o lea o loo taofia i le taimi nei a o tālia isi lipoti e moomia auā iloiloga.
