Na vave ona tapuni le matāfaga i Tauranga i le aoauli ananafi ina ua vaaia le malie.
I totonu o le 50 mita le mamao lea na vaaia ai le malie e 2 mita le umi i Omanu ma faatonuina loa tagata e aga’i ese ma le sami.
O le tala mai le Surf Life Saving i Omanu lava, o lea na muamua vaaia i le mamao e 100 mita, pe tusa lea o le ‘afa o le tolu i le aoauli.
I totonu o le piriota o mālōlōga ma tafaoga o le Kerisimasi ma le Tausaga Fou o lea lava o loo tele ina tapunia matāfaga ona o malie e vaaia ai ma o loo maua foi isi lapata’iga e fesoota’i ma matāfaga nei ua fautuaina le lē saogalemu ona o malie i luga o le Safeswim.
E tuufaatasia tala o le taeao ua toe tatala le matāfaga i Omanu i Tauranga i tagata lautele.
Puna o Faamatalaga: Tauranga beach closed after 2m shark spotted within 50m from shoreline – NZ Herald
