Fai mai le ripoti o le suesuega na faia e faatatau i le emergency management system a le Auckland Council i taimi o lologa, e lei tapena.
O le iloiloga lenei na faatautaia e le Bush International Consulting ma na taitaia e lē sa avea ma komesina o leoleo Mike Bush.
Na faatonuina ai e le pulenuu o Aukilani, Wayne Brown le faia o lenei iloiloga i le mae’a tele ai o faitioga e faatatau i lona tulai mai i le aso 27 o Ianuari lea na lolovaia ai lona aai.
O lologa nei ua maliliu ai le toafa.
Fai mai le lipoti na tuai ona fesootai mai i tagata i totonu o le 12 itula muamua, lē lelei taitaiga a i latou o loo faia faaiuga ma o i latou nei e mai lava le pulenuu, faatonu o le komiti ua ta’ua o le CDEM a le council, o le pule sili faapea ai ma le aufaigaluega.
O loo sau ai foi ma le lipoti, e fai ane le uluai fono a le council ua tuai, ua tele mea ua faaleagaina ma o fesootaiga foi mai le council agai i tagata lautele e lei iai se lagona alofa i tagata pagatia.
O le tagata o loo mafuli iai faitioga a le lipoti o le pulenuu ma ua toe ta’ua mai ai foi o lea lava na tuai ona saini ma faasalalau le poloaiga o faalavelave faafuasei poo le emergency declaration.
Ua toe faatoese le pulenuu ia Wayne Brown.
