Ua tofia e le Komesina o le Health NZ Te Whatu Ora, Lester Levy ana komesina lagolago e toalua o Ken Whelan o lē sa avea ma Crown Observer lea foi sa vaaia le Health NZ ia Tesema atoa ai ma Roger Jarrold o se sui o le fono faatonu.
O Lester lea ua avea nei ma Komesina, sa avea foi ma ta’ita’ifono o le fono faatonu a le Health NZ mai le aso 1 o Iuni seia oo mai i le aso 23 o Iulai na filifilia ai e avea ma Komesina ma ua lipotia e le RNZ o le fono faatonu i lalo o le tulafono Pae Ora Act e tatau ona i le va o le 5-8 ona sui peitai o le tulaga sa iai sa totoe mai na o le toalua, Lester ma Jarrold ina ua faamavae isi sui na iai.
E ta’i 12 masina le umi o tofiga ia e lua ua faia ia ogatasi ai foi ma le umi o le konekarate a le Komesina ae mafai ona toe iloilo.
Puna o Faamatalaga: https://www.rnz.co.nz/news/national/524177/health-nz-re-appoints-former-board-member-crown-observer-as-deputy-commissioners
