O le vaiaso nei ua talanoaina ai le lumanai o le fagotaina o le tuna a le Pasefika.
E 26 atunuu o loo i lalo o le komisi a le Western and Central Pacific Fisheries ma o loo faatasia uma i le fonotaga lona 19 a le Western and Central Pacific Fisheries Commission i Vietnam.
O le tino lenei o loo ia faamaopoopoina atunuu o loo maua ai le tuna ma e faatasi i le tausaga ona feiloai e le gata e talanoa le fagotaina o le tuna a o faasao.
E silia ma le 600 atunuu o loo auai i le fonotaga i le vaiaso nei, ma faatoa toe faia lea o se fonotaga faafesagai talu mai le 2019 ma e le gata o le Pasefika ae o loo auai ai foi ma atunuu tetele lea o loo feoai foi a latou vaa i ogasami o le Pasefika lea e iai Amerika, Saina ma isi mai le Iuni a Europa.
E ui o Vietnam e le o se sui i lalo o lea faamalu, peitai i le fonotaga i le vaiaso nei ua faailoa ai e le sui usufono o le atunuu o loo talimalo o loo vaavaai iai i le agai i le lumanai.
