O le vaiaso nei e faaofi mai ai e le malo suiga i le tulafono o loo aiaia ai faasalaga mo soligatulafono matuiā.
O le faasilasilaga lenei mai le Palemia, Christopher Luxon i le uma ai o le fonotaga a le Kapeneta ananafi, ma o suiga nei e aofia ai iloiloga toe faia i le faatapulaa o faasalaga faapea le faiga o loo tuu mai ai i lalo e faamasino le mamafa o faasalaga.
Saunoa le minisita o faamasinoga Paul Goldsmith, o ni suiga o le a toe tuu ai le mamafa o faasalaga talafeagai i luga o soligatulafono matuiā.
Ta’ua e le minisita o se suiga ia toe faatumauina ai pea le talitonuina e tagata lautele o le tulafono.
I le faaopoopo a le Palemia, o ni suiga e ogatasi ma le amana’ia o aiātatau faapea matafaioi i itu e tatau ona faataunuuina i Niu Sila.
O le naunauta’iga o le malo ia faaitiitia le to’atele o tagata o i le toese, peitai e lē mafai ona tupu pe a lē faaitiitia le tele o faiga faasolitulafono.
Puna o Faamatalaga: Watch: Christopher Luxon holds post-Cabinet press conference | RNZ News
