E toatasi se tamaititi ua uma le ola ma leisi toa 17 o loo manaomia ni taotoga mo totoga o le liva ao faavavave ai fomai e saili se tali o le mafuaaga o le pepesi o se faamai ua aafia ai ia totoga, taua mai o le hepatitis outbreak.
A ititi mai pe a ma le 169 I latou o loo aafa I le faaletonu lea e aafia ai le liver ma o loo lipotia I tamaiti I totonu o le 12 atunuu o le lalolagi pei ona faamaonia mai e le Faalapotopotga o le Soifua Maloloina ole Lalolagi le WHO.
Na muai aliae I latou e aafia I lea ituaiga gasegase I Peretania peitai ua vaaia le maua ai foi o nisi mai Europa ma Amerika. Fai mai e aafia ai tamaiti amata mai I le tasi le masina e oo I le 16 tausaga le matutua mae fai mai e masani ona manaomia le faia o taotoga o tamaiti e aafia.
O loo taua I le lipoti mai le 7news se faamatalaga a nisi e popoto I mataupu tau gasegase nei e ono iai se sootaga ise vairusi e masani ona iai sootaga ma le flu masani ae o loo faagasolo suesuega. O auga o loo taua e aofia ai le fiva, vaivai o le tino, le fia a’I, faasuati tulou, manava tata ma le tiga o le manava.
