8 itula I le masina fou lea ua fuafua tausimai o le a solo tetee ai ona o le le fiafia I le faaiuga a le malo e leai se siitaga o totogi mo le isi tolu tausaga

O le faamaoniga lea mai le iuni o loo tu mo tausimai, ma ua faailoa mai e oo atu I le 30,000 tausimai ua maea palota e tetee I le aso 9 o Iuni

O le a le aafia I lea tetee I latou o loo galulue I totonu o nofoaga faanofoesea, peitai o le a tetee tausimai o loo faia tui o le Koviti o loo faagasolo

Faailoa e le sui o le iuni le le fiafia I le ofo na tuuina mai I le masina talu ai o le toatele o tausimai na o le 1.38% le siitaga, ma o lea foi ua maea tuuina atu le faaaliga I DHBs poo District Health Boards e saili atu nisi e suia tausimai I le valu itula o le a solo tetee ai

O le aso a taeao ma le Aso Lulu o loo fuafua e fono ai le iuni ma DHBs faatatau I se fofo o lenei mataupu, ma e foliga mai o loo lava le taimi mo feutanaiga e ono maua ai se filemu ma faaleaogaina ai le tetee ua faailoa mai