O le kamupani vaalele a le Singapore Airlines le uluai kamupani faavaomalo ua ioeina nei le mafai ona agai mai o ana faigamalaga i le malae vaalele fou i Western Sydney pe a tatalaina i le tausaga 2026.
O le Palemia o Ausetalia, Anthony Albanese ma le Minisita o Felauaiga o Catherine King na o la faamaonia ia faamatalaga i le asō ina ua faailoa o le malae vaalele fou lea o le a matala ona faitotoa i le lalolagi i le 2026.
Fai mai Albanese i se feiloaiga ma tusitala e faafetaia paaga i le Singapore Airlines mo lenei maliega ma o le isi kamupani vaalele aupito sili lea i le lalolagi ma ua muamua ona ia filifilia le malae vaalele fou i Western Sydney o se tasi o nofoaga mo ana faigamalaga. Faailoa foi e le Minisita e iai isi atunuu o loo latou talanoa i le taimi nei i le mataupu lea ma o loo faia feutana’iga.
O loo faamoemoe o lenei malae vaalele o le a afea e le pe a ma le 10 miliona pasese i le tausaga ma e pe a ma le 85 pasene o le galuega ua mae’a mo le fuafuaga e tatau ona tatala le galuega i le faaiuga o le 2026. Fai mai a mae’a o le a faaluaina le tele o le malae vaalele tele i Sini.
Puna o Faamatalaga: https://www.9news.com.au/national/western-sydney-airport-singapore-airlines-first-international-airline-confirmed/42b6e93f-fcd7-4fd1-9555-51325ba385c9
