E silia ma le 4 miliona tagata i Brisbane, Sunshine Coast ma le Gold Coast i Kuiniselani aemaise foi isi faaitu i Matu o Niu Sa Uelese o le a faatalitali mo aafiaga o le afā o Alfred.

Ua lapata’ia i latou ia i timuga mamafa ma lamatiaga o lōlōga faafuase’i ma matagi to faata’uta’u e oo i le 120 km i le itula le saosaoa.

O le afā o loo fautuaina e ono aafia ai Brisbane ma le Sunshine Coast i le po a taeao ma o loo faatulaga lava i lona malosi i le Vaega 2 o le faatulagana o afā.

Ua tapunia aoga i le itu i Matu o Niu Sa Uelese a o tulalata mai le afā, e lē gata i lea o taaloga sa fuafua mo le aso a taeao aga’i atu i le faai’uga o le vaiaso ua faalēaogāina uma.

O loo matala pea malaevaalele i Kuiniselani ma le itu i Matu o Niu Sa Uelese ae ua fautuaina kamupani vaalele ia fautuaina tagata malaga ia faafesoota’i pea le malaevaalele a o le’i oo i le taimi o faigamalaga.

Puna o Faamatalaga: https://www.9news.com.au/national/tropical-cyclone-alfred-update-photos/c3aa7e9f-7d68-477d-b7a0-a6ef329ddbce