Search

Saini se maliega a le Atu Solomona ma Saina, popole Ausetalia

Ua iai se maliega ua sainia nei ele atu Solomona ma Saina ma ua lipotia o le a tuuina atu I lana kapeneta se proposal e faatatau I tulaga tau le puipuiga e lautele atu ina Ia o latou iloiloina. O se faamatalaga lea mai se sui o atumotu o le pasefika ua faailoa I lipoti a le newshub.

Taua ile lipoti o ia fetuunaiga e iu ina aofia ai ma le malo tele o amerika lea na o latou taua I le masina o Fepuali o le a tatala sa latou ofisa I le atu Solomona ona o popolega mai nisi o sui o le malo tele e faapea o loo mananao Saina ina ia faia se sootaga faa militeli ma atumotu o le pasefika.

I se taimi elei mamao atu sa aliae ai vesiga I totonu o le atu Solomona I upufai lava o lea atunuu ma sa tuuina ane ai se fesoasoani mai Ausetalia e fesoasoani I le taofia o vevesi ina ua talosagaina e le palemia o le atu Solomona, Manasseh Sogavare.

O le na faailoaina faamatalaga e faatatau I le maliega ua sainia a le atu Solomona ma Saina, o Karen Galokale o le failautusi o le matagaluega o leoleo ma le puipuiga lautele .Ua ia taua ai o isi fetuunaiga ma maliega o loo galueaina I le taimi nei o loo faatalia se tali mai le kapeneta. Fai mai le failautusi ole maliega ua sainia nei ma Saina e tutusa lava ma maliega ua fainia ma isi atunuu e pei o Ausetalia ma Nu Sila ma Papua Niu Kini, ae ua faailoa foi I lea lava lipoti se finagalo o le minisita ole home affairs a Ausetalia, Karen Andrews e faapea o le Pasefika o tuafale ia o Ausetalia ma o loo popole Canberra I gaioiga faamiliteli a Saina I atumotu o le pasefika.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required