Ua folafola mai e Beijing nisi paketi tau tupe ma ni faiga ua aga’i sa’o ia Amerika, o le toe tali ane lea i lafoga ua faatulaga e Trump faasaga ia Saina lea ua tuuina ai le 10 pasene o lafoga i luga o ana oloa e auina atu i Amerika.
O le aso 10 la o Fepuari lea ua fuafua o le a amata faamamalu ai e le Matagaluega o Tupe a Saina nisi faiga faavae fou mo oloa e aveina atu i fafo o le atunuu ma ua folafola foi e le matagaluega o tupe a Saina nisi faiga e faatatau i ana oloa ave i fafo.
Ua faailoa foi e le matagaluega lea a Saina ua o latou tuuina atu le mataupu lenei i le WTO, le Faalapotopotoga o Fefaataua’iga a le Lalolagi ma o loo mata’itū e tagata e pei e foliga o le a tula’i mai ai se taua tau fefaataua’iga, trade war i le va o isi atunuu tetele ia o le lalolagi.
Puna o Faamatalaga: https://www.google.com/amp/s/amp.cnn.com/cnn/2025/02/04/business/china-us-trade-retaliation-hnk-intl
