O lea ua molia i moliaga e tolu o le fasioti tagata faamoemoeina se alii i le mae’a o le faalavelave i Sini ua maliliu ai tamaiti e toatolu.

I le taeao o le Aso Sa na te’a nei, aso 7 o Iulai na valaau ane ai se fesoasoani i se fale i Lalor Park e lipotia le fale ua mu.

O se tina e 29 tausaga ma tamaiti e toafā na maua atu iai i le fale, toatolu tama e 4, 7, ma le 11 tausaga ma se teineititi 9 tausaga na ave uma i le falemai.

O isi tamaiti e toatolu, 2 tausaga, 6 tausaga ma le 5 masina o le pepe na maliliu uma ae fai mai le lipoti a le RNZ sa taumafai se alii sa iai i le fale, 28 tausaga e taofia le ulufale atu a fuimu i le fale.

O loo taofia i le falemai i Westmead ma molia i moliaga e pei ona ta’ua.

Puna o Faamatalaga: https://www.9news.com.au/national/lalor-park-fire-man-charged-over-fatal-house-fire/b99dfeb6-9909-4e34-967d-18f129bbdaa1