Ua tapunia mo se taimi le tumau le childcare i sisifo o Aukilani i le maea faamaonia ua maua se tasi o faiaoga i le Koviti
O le Living & Learning Family Centre i Henderson, ua sau tala e le o iai se isi ese ua aafia e aofia ai ma le fanau iti sa i totonu o le afuafu lea na vaai e le faiaoga ua aafia i le faamai
O childcare poo aoga amata nei o loo tatala pea i lalo o le lapataiga vaega 3 phase muamua a Aukilani o loo iai, ma o siaki masani mo le aufaigaluega na faia i le Aso Faraile talu ai na maua ai ua faamaonia i le Koviti
I tala a le Herald, o lea ua tapunia mo le taimi nei ae faamama ma o loo fuafua e toe tatala i le Aso Tofi, ae mo le faiaoga ma fanau atoa ai isi o le aufaigaluega e vavalalatala sootaga poo close contacts o le a faaauau pea ona faanofoesea mo le lua vaiaso
O le faiaoga ua maua i le faamai, ua uma ona tui e lua e tusa ma faamaoniga mai le aoga
O loo fautuaina foi i latou e iai fanau iti aooga i lea aoga amata e faafesootai le Healthline pe a amata faalogoina auga o le fulu
