O tausimai o loo faafaigaluega e le Te Whatu Ora Health NZ o le a le faia ni a latou sifi faaopoopo i le vaiaso nei ma o se faamatalaga lea ua ta’ua i le lipoti a le Newstalk ZB i le aso ananafi ua ta’ua ai o le faamatalaga lea na faailoa ane e le NURSES Organisation i le vaiaso talu ai ina ua mae’a ai le peimeni faaopoopo mo le taumalulu le winter bonus payment.
O Dr Gary Payinda mai le vaega tigaina i le falemai i Whangarei na ia ta’ua o loo lagolago e fomai le tulaga ua feagai nei ma tausimai i le vaiaso nei ma le faigata o le latou galuega.
Fai mai le fomai talosia ia maua se fesoasoani i le mataupu lea auā e le mafai ona fai fai ai pea e faavavau.
O le faaulu o le faalapotopotoga a tausimai o Paul Goulter o loo faamoemoe ia iai se auala e sili atu nai lo le tuuina o ni nai fesoasoani mo tausimai, ina ia faigaluega ai ovataimi ma ia silasila foi i lo latou soifua maloloina.
Na ia faailoa ia Tim Dower o le Te Whatu Ora Health NZ na faia le latou faaiuga e fai le peimeni lea mo le taumalulu e aunoa ma se faatalanoaina o le mataupu ma le iuni.
Fai mai a ia latou te lei fiafia iai ona o tulaga foi o peimeni faaopoopo faapea e na o le faaopoopo ai o le mau sifi i le aufaigaluega ma atili le lavavā ai.
