O lē sa avea ma Palemia o Fiti i le tuana’i, Frank Bainimarama ua faasa’oloto mai le falepuipui ae faato’ā ono masina ua uma ona tuli mai le 12 masina o lona faasalaga.
Na faafalepuipui i le masina o Me faatasi ma le ta’ita’i leoleo sa iai o Sitiveni Qiliho ona o le la aafiaga i le taofia o le faatinoina o le amiotonu.
Peitai la o lea ua faamaonia mai ua vave tatala i tua ona o aiaiga lava i lalo o le tulafono.
Fai mai le Matagaluega o Falepuipui a Fiti sa faia le iloiloga i lana talosaga ma faia ai le faai’uga ua iai nei.
Ua faailoa foi e le Matagaluega i le lipoti a le RNZ o faamaoniga lava ia o le mulimulita’i pea i le tulafono ma aiaiga faataatitia.
Puna o Faamatalaga: https://www.rnz.co.nz/international/pacific-news/533224/convicted-former-fiji-prime-minister-frank-bainimarama-released-from-prison-early
