O se tasi o poloketi e aga’i sa’o ia i latou e leai ni fale e nonofo ai e foliga ua feagai ma ni faatuai a latou taumafaiga ma ua alia’e ai le mau fesili pe mafua i se ā.

O le faalapotopotoga a le Sleepbus na amataina e le alii faipisinisi mai Melepone o Simon Rowe i le 2016 ina ua maua ane se vaegatupe e 120 afe mai se sa’iliga tupe sa faia ma faaaogā ai pasi tuai e avea ma ni nofoaga e momoe ai i le po tagata ia e leai ni mea e nonofo ai.

Na amata le faata’ita’iga o lea faiga i Melepone ma sa tulaga lelei ma i totonu o le 6 masina ua oo i le 20 tagata ua iai nofoaga e momoe ai i po ta’itasi.

Na manatu ai loa le pulega e faaauau le poloketi i le atunuu atoa e fesoasoani iai ma nisi charities peitai ua iai se faaletonu ua lipotia le iai o faaletonu e oo lava i le tulaga tau tupe ma faaletonu i pasi.

Fai mai le alii faipisinisi o le auaunaga e faalagolago i foa’i mai tagata lautele ma ua iai foi faafitauli e pei o le faaitiitia o le aofa’i o volunteers ma le tupe e faatino ai le poloketi.

Puna o Faamatalaga: https://www.abc.net.au/news/2024-11-28/sleepbus-project-for-homeless-accommodation-stalls/104630478