O se faatusatusaga lata mai nei sa faia e le Consumer NZ i faigamalaga a le Ea Niu Sila i le 2023 ma le tausaga lenei atoa ma faigamalaga i le 2019 ma le 2021 ua iloa ai ua sili atu ona taugata faigamalaga i le taimi nei.
Fai mai le sui o le Consumer NZ, Abby Damien i le televise tasi e lē o se tala fiafia aemaise pe afai e na o le pau le auala e oo ai le tagata i se nofoaga e fia malaga iai, o le alu i le vaalele.
O le isi faigamalaga sa faatusatusa o le malaga a se aiga e toafā na malaga mai Sini i Palmerston North i le 2020 e $1,372 na faalu ai peitai o le malaga lava lea e tasi i le taimi nei ua oo atu le tau i le $3,451.
Ta’ua foi i le lipoti se faamatalaga mai le sui o le kamupani vaalele, Scott Carr lea na ia ta’ua ua matuai lē fiafia i lea lipoti ma faatusatusaga o loo faia e fai lava si taufaasese ona e tele mafuaaga mo le siitia o le tau o pasese.
Maitauina e talafou o le pasese maualalo mo le tele o faigamalaga agai atu mai Sini i Aukilani one way i le vaiaso lava lenei mo le tagata e toatasi e lē itiiti ifo i le $300 tupe Ausetalia.
Puna o Faamatalaga: https://www.rnz.co.nz/news/national/522445/air-new-zealand-flight-fares-soaring-some-by-nearly-300-percent-consumer-nz-says
