O le susuga ia Taito Philip Field o se tamaalii na galue i totonu o le Mālō o Niu Sila i tausaga e tele ua tuanai ma o lea ua faamanavaina e le Atua ana galuega.
O se tasi na avea ma Minisita mo le vaega faaupufai a le Labour ma o le uluai tagata pasefika lea ua avea ma sui o le Palemene a Niu Sila. O Taito na ulufale i tulaga o upufai a Niu Sila i lalo o le faamalu a le Labour i le tausaga e 1993 – 2007 ma na fai ma sui o tagata palota o Aukilani i Sauté.
E tele ni faafitauli na feagai ma ia i lona auai ai i faigaupufai a le Mālō, e le’i manuia ana taumafaiga i le palota i le tausaga e 2008. I le tausaga e 2009 sa faasala ai o ia e le faamasinoga mo le 6 tausaga ina ua faamaonia e le faamasinoga maualuga a Aukilani moliaga – bribery and corruption ao avea ma sui o le Palemene ma le 15 moliaga o le taumafai e taofia ala o le faamasinoga. Ae ui i lea na vave tatala i tua Taito ma na’o le 2 tausaga na tuli ai lana faasalaga.
E silia ma le 14 tausga na auauna ai Taito mo le mamalu o tagata pasefika aemaise mo lona itumalo o Magele. I ripoti a le TVNZ na fai i lagi le folauga a Taito i le taeao nei ma e maliu ua 68 tausaga o lona soifua.
