Photo: loopsamoa.com

Faailoa Suafa o le ‘au a le Moana Pasifika e fetaui ma le Brumbies

Ua faailoa nei suafa o tama o le a taaalo i le Moana Pasifika i le latou taaloga faitaulia mulimuli o le DHL Super Rugby Pacific lea o le a iloilo ai ma le Brumbies.

O le afiafi o le Aso Toonai nei, lea o le a faia ai lenei taaloga i le malae o le Mount Smart Stadium.
E iai ni suiga ua toe fai e le faiaoga ulu a le ‘au, Aaron Mauger mai le ‘au lea na latou taaalo ai ma le Western Force i le afiafi o le Aso Lua.

E ui lava i lu’itau na feagai ma le ‘au a o faagasolo a latou taaloga, ae talitonu Mauger, ua lava saunia lana ‘au mo lenei taaloga faitaulia mulimuli. E lē o faatagaina e tama le mau lu’itau na feagai ma le ‘au e faaitiitia ai lo latou mataalia ia latou tapenapenaga mo le Aso Toonai o lumanai nei.

O le alii o Sekope Kepu o le a kapeteniina le ‘au ma o lana taaloga i lea afiafi o le atoa i ai le 150 o ana taaloga i le Super Rugby, ae atoa i ai le 12 tausaga talu ona ia taalo ai i le taamilosaga Super Rugby. O le 141 o ana taaloga sa taalo ai mo le ‘au a le Waratahs i le va o le 2008 i le 2019 ae 9 ana taaloga lea ua taalo ai mo le Moana Pasifika.
O le lisi lenei o le ‘au a le Moana Pasifika o le a taaalo ma le Brumbies i le Aso Toonai:

  1. Abraham Pole
  2. Ray Niuia
  3. Sekope Kepu (c)
  4. Michael Curry
  5. Samuel Slade
  6. Solomone Funaki
  7. Alamanda Motuga
  8. Henry Time-Stowers
  9. Jonathan Taumateine
  10. Christian Leali’ifano
  11. Timoci Tavatavanawai
  12. Danny Toala
  13. Levi Aumua
  14. Solomone Kata
  15. William Havili
  16. Samiuela Moli
  17. Ezekiel Lindenmuth
  18. Joe ‘Apikotoa
  19. Sione Tu’ipulotu
  20. Lotu Inisi
  21. Manu Paea
  22. Fine Inisi
  23. Anzelo Tuitavuki


    O tama ua lē taaalo ona o ni manu’aga poo ma’i o aafia ai: Isi Tu’ungafasi, Mike McKee, Don Lolo, Penitoa Finau ma Tomasi Alosio.
Scroll to Top

Keep uptodate with Radio Samoa activity & promotion

* indicates required