E faamuta le fesoasoani a le malo o loo faatupeina ai nei pasese o fanau aoga e faaaogāina femalagaa’iga lautele, peitai e lē aafia ai tamaiti Otago.

O lea ua mae’a palota le Council a Otago ma ua mautinoa ai o le a faaauau pea ona faatupe feoaiga e faaaogā ai femalagaa’iga lautele mo fanau e 5 i le 12 tausaga le matutua.

O lea ua manino le faaiuga a le malo e na te lē toe faatupeina feoaiga fua nei e amata mai le amataga o Me.

Mai le sui o le Council ma molimau i tala a le leitio a Niu Sila, o lea ua toatele tagata Otago e faalagolago i femalagaa’iga lautele ma o le manaoga o le Council ia faatumau ai pea ma ia gafatia e fanauiti.

Na o fanau e 5 i le 12 tausaga lea na mafai ona suia e le palota a le Council, e lē o aofia ai le 13 i le 24 tausaga lea foi ua fai mai le malo e uma i le aso muamua o Me.