Ua vaavaai nei Ie ono tuu mai i lalo i le 30 le saoasaoa faatapulaa o se vaega o le SH8 i le South Island ona o le tele o faalavelave tau taavale ua tutupu mai ai.
O le highway lenei i le itumalo o Mackenzie ua manunu’a ai le to’a 24 tagata i le latalata ia Lake Pukaki i totonu o ole na o le tasi le vaiaso.
O le isi toaiva na manunu’a ai ina ua lavevea taavale i le Aso Sa, e ese ai tagata e to’a 15 lea na ave i le falemai ina ua lavevea pasi e lua na ave ai turisi i le vaiaso faato’ā uma atu.
Fai mai ai le sui o le NZTA i le ogatotonu o le South Island i tala a le Herald, e lē masani ai le sosoo o faalavelave mai lea vaega o le State Highway 8 ma o lea ua mafaufau ai le NZTA pe lē faamata ua tatau ona suia mai le 100 le saoasaoa faatapulaa o loo iai nei i le 30 poo le 50 foi i nisi o vaega.
Ua sau ai ma le fautuaga a le NZTA i avetaavale uma ia ave le taavale e fua i le tulaga o iai le auala ma suiga o le tau.
Ae mai le minisita o felaua’iga, Simeon Brown, o pasi na lavevea i le vaiaso talu ai i luga o le auala lenei o lea ua ia tāpā faamatalaga poo le ā le saoasaoa faatapulaa na iai i le taimi o le faalavelave ma ua ia faatalosagaina foi le faia o se suesuega auiliili.
Puna o Faamatalaga: https://www.nzherald.co.nz/nz/state-highway-8-speed-limit-drop-considered-after-multiple-crashes-on-south-island-road/I6KQTZHRFNFH5IEXGRXCT6HSDQ
