E lē taumate o le a faaitiitia pe sioti foi isi ituaiga falaoa i le itu i Saute i Sisifo o Sini ona o le afi na faatama’ia ai se tasi o bakery telē i Sini i le vaiaso talu ai. 

Ua lapatai mai le Goodman Fielder o le afi na sasao ane i lo latou nofoaga poo le factory i Moorebank e ono aafia ai le sapalai o le falaoa i Supamaketi, o latou o loo sapalaia falaoa e pei o le Helgas, Wonder, Lawson ma le mighty soft o nisi o ituaiga falaoa e fiafia iai le to’atele. 

I le pepa o faamatalaga mai le kamupani ua ta’ua ai o loo galuule i le taimi nei e faatino le mea e gata ai le mafai ina ia vave ona toe oo le sapalai i faleoloa e pei ona masani ai. O le afi o loo ta’ua na sasao ane mai se ogaumu ma i’u ina sosolo atoa ai i le fale. 

E silia ma le 70 le aufaigaluega a le tineimu na galulue ai mo le silia ma le 3 itula e tapē le afi.