O le aso e iloa ai le ono faamama o tapu o loo iai Aukilani I le faaaogaina o le suavai
O le fonotaga a le Auckland Council I le aso o le a Iloilo ai sana faaiuga I lenei mataupu, ae I se fautuaga mai le Watercare, ua faamautinoa mai ai o lea ua lava le suavai I faatanoa ma o lea foi e talia tumuga o loo fuafua mo lenei vaitau
O se fautuaga o loo taua mai ai afai ae talia I le fonotaga I le aso, o le aso 14 o le masina fou o le a toe mafai ai ona fui togalaau o aiga, fufulu taavale ma faamama fafo o maota ma laoa faaaogaina ai faga-au
O le faasasa ona soona faaaoga o le suavai mo tagata Aukilani, na amata mai I le aso 16 o le masina o Me o le tausaga nei ona o le utiuti o le suavai I faatanoa
O le masina talu ai lea na faataga ai na o pisinisi latou te faaaogaina le suavai mo auaunaga faapisinis e moomia ai le suavai Taua ai e le pulenuu o Aukilani, Phil Goff, le faamalieina o le tali atu o tagata Aukilani I le faasaoina o le suavai lea e oo atu I le 6 piliona lita o le suavai na faasaoina talu mai le masina o Me
