O le asō ua amata ai le vaega lona lua o le iloiloga o loo faia faatatau i le faalavelave i Kalaiesetete na maliliu ai tagata e to’a 51 i nofoaga tapua’i i le 2019.
O le a silasila ai i fana sa faaaogāina i le faalavelave aemaise o tulafono sa iai e patino i fana i lea taimi.
O le a su’esu’e ai e le coroner o Brigitte Windley pe na faapefea ona maua e le tagata faatupu faalavelave o Brenton Tarrant ia a’upega ae pe na iai foi ni faaletonu i le faatinoina o auaunaga e aofia ai ia a’upega.
O le a iloiloina ai foi pe iai ni lape i le auaunaga a leoleo i le mataupu lea aemaise lava i le faatinoina o le laisene o le tagata lea e umia ai ni a’upega i totonu o Niu Sila.
E tolu vaiaso ua fuafua e faagasolo ai lea iloiloga e valaauina ai molimau pe to’a 15.
Puna o Faamatalaga: https://www.1news.co.nz/2024/10/08/christchurch-terror-attack-second-phase-of-inquest-begins-today/
