Mai le RNZ Pacific ua faailoa ai le faatinoina o se sauniga faapitoa a le Asian Development Bank poo le faletupe o Atinae a Asia ma le malo o Samoa e tatala aloaia ai galuega toe faaleleia i le uafu faavaomalo i Apia. Taua I lea lipoti o le galuega o le a toe faaleleia ai le uafu ina ia mafai ona lavasaia ai ni afa tetele aemaise o le siisii pea o le suasami.
O lea la galuega o le a aofia ai ma se nofoaga o le tiute faapea ma se scanner fou mo containers ia faaleleia atili ai le faatinoina o galuega.
O loo lipotia foi seisi vaatosovaa fou ole a saunia faatasi ai ma le tulaga I le faaleleia o le mama o le nofoaga.
O leisi itu o loo taua I le lipoti o le unaia poo le promote o faaopoopoina o le aofai o tamaitai faigaluega I nisi o matata pei o le technical ma avanoa I pulega.
O le palemia o le atunuu Fiame Naomi Mataafa na saunoa I le saunoaga autu ma faaalia ai le fiafia ole malo I le faiga faapaaga ma le ADB poo le faletupe o Asia.
E $62.26 milion tala amerika o le a faatupe e le ADB ma le $12.77miliona tala amerika o le a faatupe e le malo o Samoa. O le galuega o le a faatino e kamupani mai Saina, Niu Sila ma Netherlands.
