Ua faia e le faamasinoga le faai’uga e tuli i le fale le faasalaga o se tamaitai sa ia faaoo le oti i lana paaga ua leva ona o la mafuta, ina ua ia ioeina moliaga o le fasioti tagata pa’ivalea.

O Donna Henry e pei ona lipotia e le NZ Herald sa muai molia i le fasioti tagata faamoemoeina i le mae’a o lea faalavelave peitai i le lauina o lona i’uga sa faailoa ai e le faamasino sa fuafua Donna e faaoolima pe tui lona to’alua ae lē o le fasioti, ma o le mafuaaga lea o le moliaga o le fasioti tagata pa’ivalea.

Sa faia ni faamatalaga mai sui o le aiga o lē ua maliu.

Faailoa e le faamasino pe ā ma le 20 tausaga o le mafutaga a i laua ua aafia i lenei mataupu ma e ui e masani ona faamatala o se mafutaga lelei peitai sa iai taimi sa aafia ai i faaletonu ma valaau ane ai foi leoleo.

O le faasalaga e 12 masina e nofosala ai i lona aiga ae iai ma nisi aiaiga ua faatulaga ane e aofia ai le auai i se polokalame fesoasoani mo le itupa o tamaitai.

Puna o Faamatalaga: https://www.nzherald.co.nz/nz/upper-hutt-woman-donna-henry-sentenced-for-stabbing-partner-to-death-during-fight/4QJLID7ITFGVDODTK4FCARGOVU/