O le a toe aveesea pe totogi foi e le faigamalo a NSW le silia ma le 23 afe o faasalaga sa tuuina i tagata i le taimi o le Koviti-19 ina ua o latou mauaina nisi fautuaga faaletulafono e uiga i le mataupu.

E silia ma le 50 afe tusi o faasalaga sa tuuina atu i tagata ona o le solia o aiaiga tau le puipuiga i le taimi o le tetele o le koviti.

I le 2022 na aveesea ai e le Revenue NSW le silia i le 36 afe o tusi o faasalaga faapea ina ua maua e le Komesina o NSW i mataupu tau faasalaga e lē ogatasi ia faasalaga ma le tulafono le Fines Act.

O le silia ma le 23 afe o ia faasalaga o le a faalēaogāina uma ma toe faafoi tupe a tagata na totogi ane a latou faasalaga.

Fai mai le Komesina o faasalaga i le lipoti a le 9News, ua tele tele ia faasalaga, tele ma tupe ua faaalu ai.Fai mai isi loia e iai tagata ua lusi ai laisene ma isi ua lē mafai ona lesitala taavale ona o aafiaga o ia faasalaga ma o le faai’uga ua iai nei o le faia lea o le amiotonu mo nai tagata aafia.

Puna o Faamatalaga: https://www.9news.com.au/national/nsw-withdraws-thousands-covid-19-fines/90c2a5c5-e42a-4fa9-ad5b-b8a9fa455f26