E tele miliona na faaalu e le faigamalo a le Labour mo le poloketi a le Three Waters lea ua faamuta nei, ma ua lē iloa ai nei poo ai a tuua’ia.

Ua lipotia e le Stuff o le PwC lea na tele ai lava, na totogi iai le $35 miliona mo ana galuega fai o le poloketi.

O isi foi sui o le Big Four, EY e $9.3 miliona, Deloitte e $532,000 ma le KPMG e $352,000.

O tupe nei na totogi ai galuega fai a kamupani nei a o faagaioi le tuuina atu i pulega e 4 lea na faapea o le a o latou uuina le malosiaga e pulea ai le suavai i Niu Sila.

I lipoti o lea na faaalu e le Labour le $64 miliona e totogi ai consultants mo le Three Waters.

I le aotelega o se poloketi e tusa lona faatupeina ma le $1.3 piliona, peitai o lea ua faamuta e le faigamalo fou ua iai nei ma a o toe faailoa ai tupe ua ma’umau, ua lē iloa ai nei poo ai e tuua’i, poo le Labour poo le National lea e ta’ita’ia le faigamalo fou lea foi o loo tu malosi e uu pea e le puleganuu le malosiaga e pulea ai ana ia aseta o le suavai.

Ae mai le matagaluega o le va i fafo, o ia lea na ta’ita’ia le Three Waters, o se polokalame e faigata ma o lea na saili ai i tua consultants mo le galuega ona e lei iai nisi e iai le tomai ma le agavaa i totonu e mafai ona faia.

Puna o Faamatalaga: Down the drain: The huge sums spent on Three Waters consultants | Stuff