Ua teena e le Komesina o Sulufa’iga i mataupu tau faletupe, le Banking Ombudsman le tuuina o se taui i se ofisa o le vaega o le puipuiga na ma’umau lana $250 afe i se faiga taufaavalea tau inivesi, e ui o se tasi pule o le ASB sa fesoasoani i lē na aafia e transfer lea vaegatupe tele i le augaoi.

Fai mai le Newstalk ua matua’i lagona le faanoanoa o sea tagata i le faai’uga o le mataupu ae fai mai le Komesina o Sulufa’iga e lei iai ni tulaga e faailoa ai i le ASB o le a faavaleaina sea tagata e ui sa talitonu lē na aafia ua lē mafai ona faatino e le faletupe tulaga tau le puipuiga o ana paaga ma tatau ona iai sa latou matafaioi i le mataupu ua ma’umau ai lana tupe.

Na ave le faaseā a lē na aafia i le Komesina o Sulufa’iga ina ua mautinoa o se faiga taufaasese ua ma’umau ai lana tupe sa inivesi ma faia ai loa su’esu’ega lea ua faailoa mai i le le asō le faai’uga e teena ai le tuuina o se taui i lē na aafia ona o mafuaaga e pei ona faailoa.

Puna o Faamatalaga: https://www.newstalkzb.co.nz/news/national/banking-ombudsman-refuses-compensation-for-250k-scam-victim-despite-asb-manager-helping-transfer-money-to-thieves/