O lea ua faitau aso ona taunuu lea o faigamalaga saoloto mai le Atu Kuki taunuu mai I Niu Sila e aunoa ma le faanofoesea
Ua faamaonia mai e le malo o le Aso Tofi, le aso 21 o Ianuari o le a taunuu mai ai pasese mai le Atu Kuki ma agai sao loa I aiga ae le o faletalimalo o loo faanofoesea ai pasese uma o loo taunuu mai I Niu Sila
Ua faamaonia e le tamaitai palemia, Jacinda Ardern, e le o aofia I le saolotoga lenei tagata Niu Sila faimalaga atu I le Atu Kuki
O tuutuuga o loo sau I lenei saolotoga, e tatau I pasese uma e agai mai ona faamalieina tuutuuga sa I totonu lava o le Atu Kuki I totonu o le 14 aso ae le I faimalaga mai, ma e le I fesootai foi ma se ua faamaonia I le Koviti I le totonu o le piriota lava lea e tasi
O Aso Lulu ma Aso Toonai lea ua faamaonia mai foi e le kamupani a le Ea Niu Sila o loo faatauina ai pepa malaga mo nei pasese
Talu mai lava ona tapunia tuaoi o Niu Sila faavaomalo, o le tatala atu o faitotoa I tagata faimalaga mai le Atu Kuki, o uluai pasese nei o le a taunuu mai e le tau faanofoesea
