Ua toe o ni vaiaso mae’a ona pu’e le polokalame faasolo i televise o le Survivor Australia lea o loo pu’eina i ni nofoaga eseese i Samoa, e pei ona faafaigaluega ai le silia i le 300 tagata o le tatou atunuu.
O se tasi lea o polokalame tau televise i Ausetalia ua avea ma faitoto’a e maua ai galuega a nisi o le tatou atunuu, o loo fesoasoani i le aupu’eata ma isi tagata mai Ausetalia e to’aselau o loo lotolotoi i le faatinoina o lea galuega.
O se tasi lea o alagatupe maua a o tatou tagata ma o loo manuia ai foi ma le tamaoaiga.
O le Season 10 o le Survivor Australia o loo pu’eina nei i Samoa, i le faamoemoe o le tausaga fou e amata faasalalau ai.
