Ua maua le taavale o se meatotino a se pisinisi i le taulaga na osofa’i e se tagata i le po o le aso Kilisimasi, e pei ona lipotia e leoleo e lē gata na gaoia le taavale ua toe maua ae na toesea ai foi ma se seleni.

E lē o mautū le aofa’iga tonu o le seleni na toesea ona e 20 afe o loo faailoa e se tagata faigaluega o le pisinisi i se lipoti i le faai’uga o le vaiaso o le aofa’iga lea o le seleni na gaoia, peitai o le tagi na faaulu e pei ona faailoa e leoleo e 800 tala le tupe na aveesea i le gaoiga.

O su’esu’ega o loo faaauau nei a leoleo o le a iloa tonu ai le aofa’iga o le tupe na gaoia.

O Vaiusu o loo ta’ua e leoleo na maua atu iai le taavale na toesea i lea gaioiga solitulafono.