Ua fautuaina nuu i Papua Niu Kini i le Southern Highlands ua aafia i timuga mamafa ma lōlōga ina ia silasila i mea ua faaleagaina ma lipoti ane i le ofisa faaitumalo e feagai ma faalavelave faalenatura.

Ua faailoa mai lipoti a le Post Courier e silia ma le 700 tagata mai ia faaitu o Papua ua faaleagaina uma a latou faato’aga o togalaau’aina ona o lōlōga.

Ua lipotia foi le iai o nofoaga ua solo ai le eleele ona o le mamafa o timuga ma motusia ai auala e fesoota’i ai ma isi pitonuu.

O loo galulue tagata o ia faaitu i le faamamāina o auala ia mo le toe faaauauina o faigamalaga ma le soifua faifaipea i aso ta’itasi e ui i lu’itau ua faasaga iai ina ua oo foi i le vaitau o afā i le tele o atunuu o le Pasefika.

Puna o Faamatalaga: https://www.rnz.co.nz/international/pacific-news/536319/more-than-700-villagers-in-png-s-southern-highlands-affected-by-flooding