Ua iai se alii ua molia i le fasioti tagata ina ua maua se tino maliu o se tasi alii i se fale i le itu i Saute i Sisifo o Sini.
O se siaki a leoleo na faia i se nofoaga i Lakemba Street i Belmore na maua atu ai lē ua maliu e 34 tausaga i le po o le Aso Toonai talu ai poo le ta o le 9.
O leoleo i Campsie o loo feagai ma le su’esu’ega faapea ma le ausu’esu’e faapitoa ma ua ta’ua e le 9News e iai se isi alii e 24 tausaga na ave atu i le falema’i i Concord mo se siaki ma ua toe tatala i tua e le’i faia iai se moliaga ae o le taeao ananafi na pu’e ai e leoleo se alii e 21 tausaga ma molia ai loa i le fasioti tagata.
O le asō e tula’i ai i le faamasinoga i Bankstown.
Puna o Faamatalaga: https://www.9news.com.au/national/man-charged-with-southwest-sydney-stabbing-murder/688889ae-3bb9-464b-8d3d-be8de5845db7
