Pe ā ma le tolu ma le ‘afa tone le mamafa o methamphetamine na maua e leoleo Fiti.
Ua lipotia e tala a le leitio a Niu Sila o lea e lei faia e leoleo Fiti se tau o fualaau faasāina ua maua, peitai i le tau faatusatusa a le NZ Drug Trends Survey pe ā ma le faitau selau miliona.
E lē o iloa tonu foi poo fea na aumai ai, ae o loo iai masalosaloga o lea lava na gaosia i totonu o Fiti ma faasauni e auina atu i atunuu i fafo.
A toe tepa i le tausaga talu ai lea na tautino ai le faigamalo a Fiti, ua tauau ina lē mafai ona faafetaia’i fefaatauaiga faapea ai ma le tagofia o fualaau faasāina i totonu o Fiti.
