Ua faamaonia mai e 5,499 isi tagata mai le komiuniti ua faamaonia le aafia i le Koviti-19 i le atunuu e pei ona tuuina mai i le lipoti a le matagaluega o le soifua mālōlōina.  

E to’a 334 gasegase o le koviti o loo faataotolia i maota gasegase ona o le vairusi i totonu o Niu Sila e aofia ai ma le to’afā o tagata o loo i potu tigaina. Ua faailoa mai foi e le matagaluega e to’a 18 isi tagata ua faamauina ua maliliu ma ua oo ai ma le aofai o le ‘au maliliu i le 1,450.  

O ē ua maliliu e aofia ai tagata e to’atolu mai Aukilani, tasi mai Waikato, Midcentral, to’alima mai Ueligitone, to’alua mai Nelson Marlborough, tolu mai Canterury, tasi mai South Canterbury ma le to’alua mai Southern. 

E oo mai i le taimi nei e 34,091 tagata o loo aafia i le koviti i le atunuu atoa.