O le a toe iloilo e le World Rugby tuuaiga e faatatau i ni faiga faailogalanu sa faia faasaga i le hooker a Aferika i Saute o Bongi Mbonambi e le flanker a Egelani o Tom Curry i le taimi o le taaloga semifinal na faia i Pale i Farani.

Sa faailoa i lipoti a le ABC o loo tuuaia e Curry faapea na fai atu se faamatalaga faailogalanu e Bongi ia te ia i le ‘afa muamua o le taaloga.

O tulaga uma ia o le a silasila iai le World Rugby o uiga faailoga tagata ma o le a faia foi iai sa latou faaiuga pe afai ae faamaonia.

Faailoa e le World Rugby ise pepa o faamatalaga o loo latou iloiloina le mataupu lea ia Tom Curry ma a mae’a le suesuega ona faailoa lea o le faaiuga.

E le o fia faia foi se faamatalaga a le faiaoga a Egelani i le mataupu lea ma tuuaiga.