E lima ni atinae mo tagata nuu ua mafai ona faatino ona o le fesoasoani a le faalapotopotoga a le Malo Aufaatasi le UNDP i lalo o lana polokalame fesoasoani le Small Grants Programme.
O le vaiaso na tea nei e silia ma le $100,000 tala Amerika le aofai o fesoasoani na tuuina atu i atinae ua filiiflia mo lea fesoasoani e le gat ao Upolu ae faapea le motu tele i Salafai.
O i latou ia na faamanuiaina e aofia ai :
1) Komuinitī a Puipaa– o le faasao i nofoaga tulata i le sami ma togatogo.
2) Komiti o Tina ma Tamaitai o Vailavea i Samatau – Faasao o le vai mamā
3) Ekalesia Faapotopotoga Kerisiano Samoa i Vini Fou – faasao o punaoa faaleanatura (conservation of natural spring and waterways,)
4) Komiti o Tina ma Tamaitai i Vaigaga – atinae o lapisi lafoai ma togatogo (waste management, and conservation of mangroves
and wetlands)
5) Pulega Faipule i Auala Savaii– faasao mo le gataifale aua le puipui o figota i le afioaga
Na faaali le lagona fiafia o nisi o sui o atinae ua faamanuiaina I le fesoasoani ua o latou taulimaina ma na fai le afioga Ulu Bismark Crawley ma sui o le Komuniti a Puipaa e faafetaia le UNDP mo lea fesoasoani taua.
Taua e Ulu o le a matua fesoaosani lenei foai i tagata o le afioaga aemaise lava le atiane o loo latou galulue ai e pei o le faasao lea o togatogo o se tasi o vaega taua o le siosiomaga a le atunuu.
O se tasi lenei o fesoaosani faaauau mai le tele o nisi foai a lea faalapotptoga ale UNDP mo Samoa.
