O lea ua faatalanoa le faamagalo uma o sala o loo nofoaitalafu ai paaga I faletusi I totonu o Aukilani

O le manaoga lea ua folasia mai ao faatalanoa le pakeki faaolaola a le Auckland Council, e faamagalo le silia ma le $2 miliona

I faamaumauga e oo atu I le 35,000 I latou I le tausaga ua le o toe fia o e faaaoga faletusi ona o faasalaga tupe I luga atu o le $10, ma o le toatele lava o tagata I Aukilani I Saute

O se alagatupe o loo sausau pea I lalo tupe e maua mai ai a le council, e pei ona molimauina o le tausaga faaletupe 2018/2019 na maua ai le $1.2 miliona, ae oo mai ai I le tausaga talu ai ua pau mai I le $876,000

O se fuafuaga o loo lagolagoina e nisi o councillors e tusa ma ripoti a le 1News, ma ua faia ma le naunautaiga o le a toe tosina atu ai tagata lautele e faaaoga auaunaga ofoina mai a faletusi

E tapunia le avanoa ua tuuina mai mo tagata lautele e faaali finagalo ai I lenei mataupu I le 12 I le aoauli o le Aso Gafua o le vaiaso fou.