O le fesoasoani a le malo e ala i taui tupe mo aiga na faaleagaina meatotino e māfua i le pē o le eletise i le tausaga na te’a nei, e 366 aiga ua talia talosaga ma ua maua taui tupe.
E lē o mafai ona faailoa e le Ofisa Sili o le Matāgaluega o Puna’oa Faalenatura ma Si’osi’omaga o loo ta’ita’ifono i le komiti faufautua mo faalavelave faafuase’i matuiā le aofa’iga o ia taui, ae i le feiloa’iga ma tusitala sa ia faailoa ai o le tele lava o meatotino na faaleagaina o pusa’aisa taatitia, o masini e pei o TV, auli, tipoti ma ulo tunu alaisa e alu uma i le eletise.
Faaalia e le Ofisa Sili o le Matāgaluega o Puna’oa Faalenatura ma Si’osi’omaga o loo ta’ita’ifono i le komiti faufautua mo galuega i taimi o faalavelave faafuase’i matuiā sa iloiloina uma talosaga ma faamalieina ai le komiti.
I lea lava fesoasoani e iva kamupanī o loo iloiloina pea a latou talosaga ma o loo iai nisi o tapenaga o loo faagasolo, ae o loo fuafua e tusa ma le tasi tesimale valu miliona tālā se vaegatupe e faaalu i le taui o masini tau eletise a ia kamupani sa faaleagaina.
Le afioga Lealaisalanoa Frances Brown Reupena o le ta’ita’ifono o le komiti faufautua mo galuega fesoasoani i taimi o faalavelave faafuase’i matuiā.
