O le asō e iloa ai e le komiti a le Palemene le tele o finagalo faaalia na mafai ona faaulu e faatatau i le Treaty Principles Bill, lea na toe tatala ma faaopoopo le taimi e faaulu atu ai.
E oo mai i le po o le Aso Lua o le vaiaso nei e le’i maua lava e le Komiti se tala ma o le aso e toe feiloa’i ai ma faailoa ai.
Ua lipotia e le leitio faavaomalo a Niu Sila e tusa ma le 300,000 finagalo faaalia na faaoo mai online a o le’i tapunia i le vaiaso talu ai, ma o le ‘afa o lea fuainumera o lea na faato’ā faaulu uma atu i le aso mulimuli.
I le taimi nei o lea ua gafa nei ma le aufaigaluega ma faamausalī ai loa poo ai molimau e moomia le oo atu mo molimau e faia faafesaga’i, ua fuafua e faamae’a i le faai’uga o Fepuari.
O finagalo faaalia e faamalieina tuutuuga o le a tuufaatasi ma vave faailoa.
Puna o Faamatalaga: Treaty Principles Bill: Number of total submissions to be revealed on Thursday | RNZ News
